Veikingleiinga har i høve til den store deltakinga i fjor med
170 båtar som gjekk i veiking, teke omsyn til at det blir eit
stort arrangement. I og med at dei har gått i kompaniskap med
Svanøy-samfunnet og røykelaksfestivalen, er begge arrangementa
noko som freistar lokale så vel som internasjonale turistar.
Festivalen på Svanøy skal i tillegg syte for at det blir sett
opp transport til og frå Florø for dei snekkelause.
Må auke påmeldinga
– Eg er redd for at vi må skru opp påmeldingsavgifta til seks
kroner, seier ein alvorleg konvoigeneral Vidar Nupen.
Generalsekretær Dag Magne Knapstad fortel at dette har rot i
komerialiseringa av postvesenet og at det såleis er faktorar dei
ikkje har kontroll over. Dei trur begge at dette ikkje vil verke
for avskrekkande på deltakinga.
Frå Florø
Klokka 17.00 fredag 25. juni vert det blese i luren i frå
leiargavlen. Deretter vert det i god veiking-ånd stuttaste veg
innaskjærs til Stavang.
– I Stavang er det venta at flis-baronen Anders Haave vil dukke
opp, kan Nupen avsløre. I tillegg vert det dans og moro i
marinaen. Laurdagen vert det frukost før nye støt i frå
Gavls-luren skal minne dei veike om at turen går vidare vestover
i søndre basseng mot Svanøy.
Røykelaksgilde
Lene Træen er ein av dei arrangementsansvarlege på Svanøy der
"Svanøy internasjonale røykelaksfestival" blir skipa. Og den
fenomenale røykelaksen laga med kyndig streng, men kjærleg
kvinnehand, vil i denne samanhengen stå i sentrum.
– Det vil bli omvisningar på Svanøy Hovudgård, på Hjortesenteret
og Marøy Havbruk i samband med festivalen, kan Træen fortelje.
Ho har mykje av planane klare, og i kjent Svanøystil så er det
vidløftig når ein først skal sette klutane til.
Dei jobbar mellom anna med å få ein kjendiskokk på plass. På
laurdagskvelden i Svanøybukt blir det som venta dans, liv og
eggerøre til nyrøkte laksesider.
Firdaposten: Av: Dag Frøyen
|
|
2005
Florø - Rognaldsvåg - Askrova |
|
|
|
|
2004
Florø - Stavang - Svanøy |
|
|
|
|
2003
Florø - Rognaldsvåg
- Fanøy |
|
|
|
|
| 2002
Florø - Askrova - Svanøy |
|
|
|
|
| 2001 Florø - Stavang -
Rota |
|
|
|
| 2000
Florø-Rognaldsvåg-Fanøy |
|
|
|
| 1999 Florø-Stavang-Svanøy |
|
|
|
| 1998 Florø-Stavang-Askrova |
|
|
|
|
|
|
