|
Florø -
Stavang - Svanøy
Fredag 25. til 27. juni 2004
(Veik -
Ven - Varm) |
|
|
Presseoversikt 2004 |
|
|
|
|
Ut i veiking for åttande
gong |
|
Neste fredag skal sjefsveikingane Vidar
Nupen, Dag Bjerk og Dag Knapstad ut i veiking for åttande
gong. Turen går til Stavang og Svanøy, og i år får dei
"Atløy" med i flåten. |
|
Av Harald Stavang, Firdaposten 18.06.2004 |
 |
|
VEGVISAR: "Atløy" har radar med stor
rekkevidde, slik at der god von om å finne vegen og leia
på den åttande Veikingkonvoien. Generaladmiralane er som
vanleg Dag Knapstad (t.v.), Dag Bjerk og Vidar Nupen (Foto:
Harald Stavang) |
|
– Til liks med tidlegare år er det grendelaga og lokale
næringsdrivande som gjer alt arbeidet. Vi i
konvoileiinga er fornøgde med rosande omtale og såpass
med pengar at vi ikkje går i minus, forkynner dei tre i
programheftet.
Påmeldingsavgifta følgjer brevposten og er no komen opp i kr
6,00. Dobbel avgift for båtar over 30 fot. Kajakkar går som
B-post.
– Vi set pris på at flåten blir utvida med ein skikkeleg storbåt
i veteranklassen, og såg gjerne at også den tomasta "storgavlen"
frå 1889 ("Svanhild") kunne bli med på ferda, seier Nupen.
I år er det meir kulturinnslag enn vanleg på desse konvoiane,
særleg laurdagen då barnefamiliar og andre vil finne mykje å
glede seg over.
Fredagen er det snauaste vegen til Stavang etter samlinga på
Florevika, med bryggedans og gjensynsglede og diverse offisiell
og eigenkomponert moro.
Laurdag går reveljen fem på åtte. Då skulle dei fleste vere
vakne til gratis fellesfrukost på kai i titida.
På Svanøy blir veikingane inviterte med når meisterkokken Terje
Ness opnar Svanøy Internasjonale Røykelaksfestival. Deretter er
det same invitasjonen når Lidvin Osland opnar Galleri Svanøe, og
i tillegg er det omvising på Svanøy Hovedgård. Om ettermiddagen
blir det buss til Kvalstad for omvising på hjortesenteret.
Seinare er det konkurransar og matshow, før Vidar Nupen opnar
Nordsjøløypa med påfølgjande omvising på Marø Havbruk.
Dansen er ved Terje Nyhammar, og vidare ser vi av programmet at
kl. 2500 er det at det er song og spel i gavl og kratt – på
veikingvis, går vi ut frå.
Søndag kjem den fjerde reveljen med påfølgjande frukost og
samling rundt lommeradioen til høgmesse, før heimreisa når det
måtte passe utpå dagen.
– Det er som sagt tett program, men så vidt vi forstår har
Svanøyfolket eit avslappa forhold til klokkeslett, så eg trur at
dei fleste vil kunne få med seg det meste, seier
veikingarmada-styret til slutt.
Firdaposten: Av:
Harald Stavang
|
|
2005
Florø - Rognaldsvåg - Askrova |
|
|
|
|
2004
Florø - Stavang - Svanøy |
|
|
|
|
2003
Florø - Rognaldsvåg
- Fanøy |
|
|
|
|
| 2002
Florø - Askrova - Svanøy |
|
|
|
|
| 2001 Florø - Stavang -
Rota |
|
|
|
| 2000
Florø-Rognaldsvåg-Fanøy |
|
|
|
| 1999 Florø-Stavang-Svanøy |
|
|
|
| 1998 Florø-Stavang-Askrova |
|
|
|
|
|
|
|
|
|
