Florø - Stavang - Askrova
Fredag, 3. juli til Søndag 5. juli 1998
(Veik, Vakker - Villig)

Veik, Vått og Vilt i øygarden

”Veik, vakker og villig” var Veikingkonvoien sitt valspråk før avreisa i år.  ”Veikt, Vått og Vilt” hadde kanskje høvt seg like godt. Dei trefte no den suraste helga som tenkast kunne. Likevel var det over 20 båtar som drog i konvoi frå Florø.  

Firdaposten: 7. juli 1998    Harald J. Stavang

FØRAR UNDER SLEP: Veiking admiral Vidar Nupen er igjen blitt svikta av ein gjenstridig bensinmotor. Alt gjekk så bra under prøveturen, men det ser ikkje ut som den gamle magneten likar væte. (Foto: Arne Schei og Jon Birger Ystebø)

Fleire kom til, og i Stavang var mellom 40 og 50 samla silregnet fredag kveld. 
— Vi hadde vore nøgde om det berre hadde kome fem båtar den kvelden, seier ein av veiking­admiralane, Dag Bjerk, i ein prat med Firdaposten.  Han hadde overnatta i telt i Stavang natt til laurdag, og heia som besett på tapande Svanøy i finalen mot Askrova under øyacupen laurdag ettermiddag, og røysta bar preg av det.

Helsa på «Gadden»

KORT OG LANGT: Den kortvegsfarende Nupegavlen var helsar på langvegsfarande "Gadden" som er på veg til Vestindia.  Nupen var heime att sundag, omlag i dei tider Sølve Bruflåt la "Gadden" til kai i Leirwik.

På vegen innover gjekk dei i konvoi frå Florøvika, og stogga på ved Geitholmen for å helse vel av garde Vestindia-fararen  ”Gadden” til Randi og Sølve Bruflot.
Dei kursa vestover mot Shetland, fem menneske ombord, medan veikingane søkte det lunare og tryggare innover i fjorden.Det store fleirtalet av båtane var ”tuppervare” med varmeapparat. For så vidt som ein kunne vente av ein veikingkon­voi. Berre fem trebåtar vart talde opp, og ingen opne ro eller seglbåtar. Den einaste heilopne båten var       Nupe gavlen. Den gjekk i periodar for eigen maskin, men var elles stø og trygg under slep.  


Mykje Båt: Det var uventa stor deltaking på Veikingkonvoien i det triste været. Her er ein del av flåten samla ved kai i Stavang på fredag kveld. 

Uventa mykje folk
— Vi kunne ikkje fått verre ver, trur eg, og vi var bra skeptiske til om der kom folk. Men det var over all forventning. Mykje båt, og i tillegg kom der ein god del landevegen, fortel Bjerk, og legg til at i Stavang hadde Anders Haave opna Haavebua. Der var bord og benkar og bar og stor stemning, fortel han.

På kaien var det dans i regntjukke, og det var ein artig trafikk med folk opp og ned av båtane, ut på kaien til ein sving­om, og så inn i bua og varme og tørke seg opp aldri så lite.  


DANS: Spelemennene dreiv trøstig på men det var til tidar meir enn slise på dansegolvet, i kontrast til dei stimane i fjor: 

Til Askrova
Neste morgon gjekk konvoien vidare til Askrova, tildels i skodde og dårleg sikt, og dei som følte seg usikre, la seg som andungar etter båtar med radar.

Dei aller fleste la seg bak Espeset moloen, og då var Øyacupen godt i gang med ukontrollerte sklitaklingar på det sleipe underlaget.

Ro konkurransen vart stoppa utan større fakter, og ein heil gjeng søkte grendehuset med va­rierte rettar i fleire timar før dansen byrja.

Ute arealet var delvis bygt over, og dekka med presenningar. Berre ein passa på å lense presen­ningane, så var der bra leveleg, får vi opplyst. Mesteparten sat likevel i båtane og køyrde hardt på var­meapparata.

På dansen var det bra med folk, får vi opplyst, og av veikingane vart dei fleste att til sundag. Utpå føremiddag tok dei til å blåse blå dieselrøyk i hamna, og stakk så ein etter ein ut i den grå ulla som letta sakte utover dagen.

 

 

 

 

 

 

1998 Florø-Stavang-Askrova

 

 


Trøyst: -- Det kunne ha vore verre, trøystar Nupen, det er korkje storm eller sludd eller snø....

Sjå bileta frå konvoien 1998

 

Veikingkonvoien
Brandsøy,  6900 Florø.   Tlf: 97536021 eller 90505161
E-post: post@veikingkonvoien.com    Web:  http//www.veikingkonvoien.com 

Revidert: 31.03.03 av  © Linken