24. juni stemnar Veikingkonvoien ut Florøvika på nytt tokt. I år går turen til Rognaldsvåg og Askrova. Der blir det garantert trongt om kaiplassane når den fargerike veikingflokken gjer strandhogg.

Litt ekstra høgtid blir det sidan Visekongen av Fusa kjem, så i år er ikkje gavbåten berre flaggskip, men Kongeskip, og det blir nok meir pomp og prakt enn vanleg, seier Nupen.

Som vanleg har han med seg sine to trufaste generalsekretærar, Dag Bjerk og og Dag Magne Knapstad i konvoileiinga, og som vanleg overlet dei alt praktisk arbeid til andre:

Det er best slik, forklarer Nupen. I Rognaldsvågen blir det Tradisjonell veikingløyer, med bryggedans og grilling fredagskvelden, før konvoien set kurs mot Askrova neste dag.  Der blir det lagt opp til fammiliedag med ymse underhaldning, mellom anna av Bjørn Jensen frå Salhusvinskvetten, og meisterkokk Tore Skarstein skal syte for god mat til alle.

Firda 22. april 2005  Knut Magnussen