–Med desse høgtidelege ord
overrekker eg herved gåva frå Veikingkonvoien, sa
Nupen og tok leiar i Florø Seilforening, Venche
Byrkjeland, i handa.
–Dette er overskot frå fleire konvoiar som vi har
samla opp i eit sylteglas over fleire år. No var det
fullt, så vi måtte bruke dei på noko. Då er det
veldig kjekt å kunne gje noko til ei forening som
driv aktivitet for barn og unge, ein aktivitet uten
dyre hallar eller kommunale grasklipparar. Når de i
tillegg har fokus på tryggleik, trivsel og sjø er
det jo kjempeflott, sa konvoigeneral Nupen.
–Når eit putlete foretak som Veikingkonvoien kan
donere ein jolle, så bør mange andre her i byen
kunne gjere det og, la han til.
Optimistjolla er dekorert med reklame for konvoien
og nettsida deira, og både båten og seglet er pryda
med ei karrikaturtegning av generalen sjølv, i kjent
stil.
Sjøsetting
Venche Byrkjeland var veldig takksam for gåva, som
er verdt over 15 000 kroner.
–Det er kjempeflott å få ein slik båt. Eg er veldig
glad for at dei valgte å nytte overskotet sitt på
denne måten. Vi har ikkje akkurat god økonomi, vi er
avhengige av tenester og dugnadsarbeid, så dette
kjem veldig godt med. Optimistjoller vert nytta av
unge nybyrjarar mellom 9 og 15 år, og foreninga har
alltid bruk for fleire joller til denne
aldersgruppa, sa Byrkjeland.
Etter at den formelle overrekkinga var over, var det
tid for sjøsetting og prøvesegling.
Anja Eide Onstad (11) var den som fekk æra av å
segle jomfruturen i jolla, og under hennar kontroll
gjekk båten som ei kule ut på Florøvika.
Linda Regina Bruvik
57 75 73 06
linda.bruvik@firdaposten.no |
