FLORØ: for åttande gong stemna dei
modige veikingane ut frå Florøvika, på veg mot… eh, eit
eller anna. Denne gongen vingla dei sørover. – Snart er
det 10-årsjubileum, så vi må vel bare fortsette, undrar
veikingehøvding Vidar Nupen.
Av Kjartan Hjermann Døhlie , Firdaposten 30.06.2004
SOLSKINN: Mellom 120 og 150
veikingebåtar låg i Svanøybukt laurdag. Veikingane kunne
kose seg i solskinnet. (Foto:
Kjartan Hjermann Døhlie)
30-40 båtar forlét florø-vika fredag i dårleg ver. Anders Haave
og Leidulf Grytten bydde betasuppe og blåskjel så veikingane i
dei 80 båtane ved kaia i Stavang kunne få noko å varme seg på.
Kai-dansen er alltid ein suksess, og det var nok mange som vart
glade då dei vakna opp til sol søndag. Både dei i båtar og dei
som hadde teke turen landvegen.
– Søndagen på Svanøy var heilt fantastisk. Programmet var
utruleg bra, og det var midt i blinken å ha veikingkonvoien same
helga som røykelaksfestival og galleriopninga. Det gjorde at
folk fekk seg ein heil dag på Svanøy. Det gjorde heller ingen
ting at vi måtte skifte til kortbukser, seier ein nøgd
veikinggeneral Vidar Nupen.
Dei 80 båtane i Stavang hadde med det gode veret blitt til ein
plass mellom 120 og 150 båtar i Svanøy.
– Har de byrja å førebu neste års arrangement?
– Vi har nokre tankar. Både til neste år og året etter på. Då er
det jo tiårsjubileum. Så lenge folk syntest det er artig og
kjem, og bygdesamfunna er med må vi jo berre fortsette. Firdaposten: Av:
Kjartan Hjermann Døhlie tlf: 414 03 598,
E-mail:
kjartann82@hotmail.com
SER VIDARE: Veikinggeneral Vidar
Nupen ser framover mot arrangementet om to år. Då er det
ti års jubileum.
Foto: Dag Magnr Knapstad
