|
Laurdag opna veikingfolket
syltekrukkene, og ut rann det tusentals kroner til
Bulandet grendalag og Værlandet vel.
Dei to laga får 10 000 kroner av
fjorårets Veiking-overskot for det gode arbeidet dei har
gjort med heimesida for øysamfunnet.
God støtte
Men nok òg for å vere uvanleg gode
representantar for eit øyfolk som har støtta
veikingkonvoien i vått og godt, med solid deltaking,
men også med fast musikk dei seinare
åra og ekstra god fiskesuppe til konvoioffiserane.
Stavang - Rognaldsvåg
Under overrekkinga til heimeside-
redaktørane Knut Rutledal og Linda Landøy i Florø laurdag,
avdekte veikingkonvoigeneral
Vidar Nupen, i følgje med
generalsekretærane Dag Roald Bjerk og Dag Magne Knapstad,
ruta for sommarens Veikingkonvoi. Konvoien
går helga etter Kystfestivalen,
22.-23. juni.
Første etappe blir Florø til Stavang
der sponbaron Anders Haave tek ansvaret for dans og
underhaldning. Neste dag går
konvoien vestover til Rognaldsvåg,
der grendelaget tek utfordringa med familieprogrammet.
Dette blir Veiking nummer 11 i rekkja.
|
