Å kaste loss for trettande gong ein fredag er slik som
skremmer kjølesvinet av ein ekte veiking. Difor har
Veikingleiinga bestemt det er 14. gong konvoien går den
26. juni. Og med dette glidande grepet har Veikingane
gjort seg til medjubilantar når Florø skal feire 150 års
jubileum neste år. Men allereie meiner dei det er
dags for å slå på stortromma.
Inspirasjon frå nord
Inspirert av dei store maritime arrangørane har
Veikingkonvoien knytt til seg slagordet «Small Ships
Race» i år. Og slik internasjonal sjargong må til skal
vi tru generalen.
– Vi reknar med ein stad mellom 30.000 og 50.000 fartøy.
Ein vil etter våre reknestykke kunne gå tørrskodd frå
Florøvika til Høydalane heile helga, poengterer
Veiking-general Vidar Nupen.
Utover det at dei trur konvoien vil trekke dei fleste
båteigarar i Norden, skal konvoien halde status quo i
år. Men eit skjær i sjøen har dei allereie råka på.
– Vi let konvoiavgifta vere uendra frå i fjor. Den har
har indeksregulert seg etter brevportoen i alle år. Til
no har svigerfar min i posten oppdatert oss, men i år
gjekk han av med pensjon.
No har det komme oss for øyre at portoen er auka til
åtte kroner, vedgår generalinspektør Dag Magne Knapstad.
Han tek på seg skulda for den kommande budsjettsprekken.
Innbydinga er ute, og det første opplaget på 230.000
eksemplar blir sjølvsagt drege inn.
– Vi vil be om åtte kroner, men er audmjuke for dei som
protesterer på prisen og legg sju på ripa, seier Nupen.
Med denne gesten inviterer han alle med båt til å gå i
Veiking i år.
Høydalen
Stiv pris på bunkers gjer nok til at mange båtfolk vil
finne holmar og skjær tettare til heimehamna meir
attraktivt i år. For leiinga i Veikingkonvoien, som for
trettande året går i veiking, er det ikkje økonomi som
ligg til grunn. Det er farane utanskjers.
Difor set den populære konvoien kurs vestover Florøvika
fredag.
Dei skal gå tett i Havreneståa og kring Pyramiden og ut
Ausa før dei legg mot babord inn Solheimsfjorden til
Høydalane.
Her har bygdefolket gått til innkjøp av rikeleg med
flytebrygger til gjestene som kjem sjøvegen.
Helleristing
I Høydalen blir alle invitert til besøk i
Høydalen motormuseum som er eit must for dei som går
i veiking. Men det er også ei markering i Høydalane som
vil vekke stor interesse. Høydalane ligg kloss i det
kjende Helleristingsfeltet Ausevika. Og fredag blir det
avdekt ein til no ukjend helleristning.
På kvelden er det bandet Fant som speler opp.
Laurdag går konvoien vidare til Svanøy. På Sunnfjord
perle blir det tilgang på Svanø’s Galleri og
Hovudgården. På kvelden er det Nybø Band som spelar opp.
Bandet som i veikingkretsar går under namnet
«Veikingarna ».
«Vi reknar med ein stad mellom 30.000 og 50.000 fartøy.
Ein vil etter våre reknestykke kunne gå tørrskodd frå
Florøvika til Høydalane heile helga» seier Vidar Nupen-
maritim gen |
