|
Og det vart det til gagns!
Alt var profesjonelt og godt ordna, og folk fann seg
godt til rette. Ekstra kjekt var det at dei som i
utgangspunktet var litt negativ til å dra så langt inn i
landet, verkeleg snudde og kom med overstrøymande ros til
konvoistoppet. Som dei sa; Eikefjord vert ein opptur!
For i Eikefjorden var problem eit ukjent ord denne dagen.
Overalt var det velvilje og smilande, hjelpsame folk. Når
det attpåtil var gratis kaiplass, forsvann misnøya med å
måtte betale kr. 9,- i konvoiavgift. Ja, enkelte betalte
faktisk fleire hundre kroner i konvoiavgift, så ingen skal
skulde veikingane for å vere gnitne.
Kor mange båtar som kom til Eikefjorden, er det vel ingen
som veit heilt nøyaktig. Eit tidleg tal låg på 50 båtar,
men litt utpå kvelden var nok talet truleg 80-100. Kanskje
Eikefjordingane veit meir om det?
Vi sender ei stor takk til alle som bidrog til denne
fine opplevinga der inne i fjorden. Neste år dreg vi i nok
Vesterveg, det skal visstnok vere fleire grendalag som set
pris på desse konvoistoppa. For sjølv om vi legg igjen
litt drit og tomflasker, kan konvoien fort bidra med 40
-50 000 kroner til eit trengande grendalag. Og kven veit
-kanskje vi eit år kjem tilbake til Eikefjorden?
|
